Ако сметате дека јадете премногу благо, но ви е тешко да се откажете од него, чоколадниот хумус кој можете да го јадете со интегрален леб или колачиња навистина ќе заврши работа.
Потребни се само 15-20 минути за да се подготви.
Состојки:
- Две и пол шолји сварен наут
- Две полни лажици какао
- Шест свежи урми (може и повеќе, доколку сакате поблаго)
- Една лажица таан
- Бадемово или оризово млеко
Подготовка:
Најпрво ставете ги урмите во блендерот и миксирајте додека да добиете паста. Потоа додадете ги и наутот, какаото и таанот и блендирајте додека да добиете компактна смеса. Малку по малку додавајте од млекото, додека да добиете смеса што може да се мачка.
Готовиот чоколаден хумус може да стои во фрижидер и до две недели.
Мачкајте го на интегрален леб, јадете го со колачи или со чипс од сушено овошје. Можете да го комбинирате и со свежо овошје.
