Можете ли да замислите какво неверојатно слатко задоволство би можело да се добие доколку
се спојат состојки како карамела и чизкејк?
Потребна е најмалата ростер тава, односно тава со димензии 20*20.
Се загрева рерната на 180 степени.
состојки за основа
- 150гр брашно
- 115гр путер
- 50гр кафен шеќер
состојки за чизкејк
- 1 јајце
- 100гр кафен шеќер
- 250гр крем сир
состојки за јаболка
- 2-3 средни излупени јаболка
- 1/2лажиче цимет
- 1/2лажиче морско оревче
- 1-2лажици кафен шеќер
- 4-5 капки сок од лимон
крамбл
- 85гр кафен шеќер
- 70гр брашно
- 45гр овесни снегулки
- 150гр путер
крем карамел
- 100гр шеќер
- 30мл вода
- 60мл слатка павлака
Во еден сад ги соединуваме брашното, путерот, шеќерот.Го замесуваме колку да добиеме
изедначена смеса и оваа смеса ја плескаме со рацете во тавата.
Ставаме во рерна и нека се пече околу 15 минути.
За тоа време ги подготвуваме останатите состојки.
Во еден сад со миксер ги соединуваме крем сирењето, шеќерот, јајцето.
Сега во друг сад ги соединуваме излупените, исецкани јаболка, шеќерот, лимонот, зачините.
Промешуваме со лажица.
Во трет сад ги соединуваме сите состојки за крамбл, шеќерот, брашното, снегулките, путерот.
Со прстите формираме ронливо тесто.
Сега испечената основа ја вадиме од рерната.
Врз неа го нанесуваме кремот со крем сирење.
Врз него ги ставаме ароматичните парчиња јаболка и на крај одозгора крамбл.
Печиме уште 20-25 минути.
Или се додека не се одделат краевите од тавата.
За тоа време го спремаме крем карамелот.
Во касерола на тивок оган ги ставаме водата и шеќерот.
Кога шеќерот ќе добие златна боја ја додаваме слатката павлака и вариме 1-2 минути додека да се изедначи.
Извадениот колач од релната го оставаме малку да се подизлади, па сечеме парчиња , ги декорираме со крем карамел и послужуваме.
Додека е млак колачот има прекрасна крцкава основа и сочен горен дел.
