И уште едни вкусни колачиња …
Потребно е:
250 гр брашно
150 гр путер
25 гр шеќер
2 кесички ванилин шеќер
1 јајце
80 гр мелени ореви
50 гр мед
Подготовка:
– Во еден сад соединете ги сите состојки. Смесата убаво измесете ја со раце. Садот покријте го со пластична фолија и ставете го во фрижидер 60-тина минути.
– Тестото поделете го на 4 еднакви делови. Секој дел обликувајте го како ролат и сечете помали парчиња. Потоа секое парче со раце обликувајте го како полумесечинка.
– Наредете ги во тава обложена со хартија за печење и ставете да се печат во загреана рерна на 180 целзиусови степени околу 15 минути.
– Уште врелите колачиња увалкајте ги во шеќер и послужете.
