Овој сладок омлет може да го јадете во секој дел од денот, а во комбинација со свежо овошје, шлаг или, пак, чоколадо ќе добиете незаборавно слатко задоволство…
За омлетот:
- 3 јајца
- 100 гшеќер
- 1 ванилин шеќер
- 50 г нишесте
- изрендана кора од портокал
За преливот:
- 3 лажици џем од портокали или смокви
- 1 портокал
Подготовка:
Во еден сад ставете ги жолчките, шеќерот и ванилиниот шеќер и пенесто изматете ги.
Потоа додадете го нишестето и убаво измешајте.
Белките изматете ги во густо шне и додадете ги во смесата со жолчки. Потоа додадете ја и изренданата кора од портокал. Полека измешајте.
Подготвената смеса сипете ја во округла тава за печење со дијаметар од 26 см и ставете да се пече во загреана рерна на 180 Целзиусови степени околу 15 минути.
Џемот помешајте го со сокот од портокал и ставете го на тивко малку да се загрее за да се растопи убаво и да добиете хомогена смеса.
Печениот сладок омлет малку изладете го, исечете го на парчиња и послужете го прелиен со преливот од џем и сок од портокал.
Идеја: Слаткиот омлет можете да го послужите со свежо овошје, шлаг или, пак, чоколадо.
