Состојки:
- 800 грама риба без коски
- 5-6 листови босилек
- Лебни трошки
- 5 големи шампњони
- Масло за готвење
- Сушен зачин
- Сол
- 1 главица кромид
- 1 чешне лук
Подготовка:
Во еден сад ставете вода да врие а потоа во зовриената вода ставете ја исчистената риба.
Гответе ја само 5 минути.
Потоа истурете ја водата од садот и полијте ја рибата со ладна вода за да може да се одвои од кожата и коските.
Исчистената риба добро измесете ја со раце па додајте го ситно исецканиот кромид и лук, босилекот и ситно изренданите печурки.
Сето ова добро измешајте го.
Доколку ја сакате посна плескавицата, не ставајте јајца.
Во спротивно, во смесата додадете две јајца.
Зачинете и додадете лебни трошки, онолку колку што е доволно за да се формира плескавица.
Намачкајте ги рацете со масло, формирајте плескавици.
Покријте ги со брашно и пржете на загреано масло.
Добар апетит!
