Подготовка:
Замесете тесто од брашното, сварениот и испасиран компир, солта, жолчките, путерот, квасецот и топлото млеко.
Потоа, тестото оставете го на страна, малку да отстои, а за тоа време подгответе го филот: шунката и кашкавалот исечете ја на ситни коцкички, зачинете со бибер, додадете го ситно сецканиот магдонос и павлаката, па сето тоа добро измешајте го.
Потоа тестото расукајте го, па исечете го на правоаголници. На средината од секој правоагалник, по должината ставете од филот, па обликувајте пирошки. Кога ќе ги направите сите пирошки, пржете ги во загреано масло, додека не поруменат од сите страни.
Вадете ги на кујнска хартија за да се впие непотребната маснотија.
Послужете ги додека се топли.
Состојки:
- 300гр шунка
- 300гр кашкавал
- малку црн бибер
- 1 лажица сол
- 5 гр путер
- 30мл млеко
- 100мл масло
- малку магдонос
- 300гр компир
- 250гр кисела павлака
- 1 квасец
- 4 жолчки
- 600гр брашно
