Состојки:
- 8 палачинки,
- 250 грама пилешко,
- една лажица мешавина од сув зачин,
- 40 грама путер,
- 1 мускатно оревче,
- 4-5 кисели краставички,
- 1 пиперка,
- сол,
- бибер,
- 100 мл кисела павлака,
- масло за готвење.
За поховање:
- 50 грама брашно,
- 2 јајца,
- 80 грама презли
Подготовка:
Пилешкото исечете го на коцкички, зачинете го, малку посолете, промешајте, па пропржете го на масло. Кога месото е готово и меко, додајте го изренданото мускатно оревче, ситно сецкани краставички, пиперка и кисела павлака.
На секоја палачинка ставете лажица од смесата, преклопете ги двете страни кон средината, а потоа завиткајте. Палачинките извалкајте ги во брашно, потоа во јајце, па во презла и пржете на масло од сите страни додека не добие златножолта боја.
