Изненадете ги домашните …
Потребно е:
- 10-12 кори за пита
- околу 700 гр сирење
- 3 јајца
- 4 лажици масло
- 2 полни лажици пченичен гриз
- 2 лажици кисела павлака
- 400 мл јогурт
- сол, по вкус
- 1/2 кесичка прашок за пециво
- парче путер
Подготовка:
Во еден сад изматете ги јајцата и додадете ги издробеното сирење, маслото, гризот и прашокот за пециво. Потоа додадете ги јогуртот, киселата павлака и солта и убаво изматете.
Тавата премачкајте ја со путер. Парчето путер растопете го.
Секоја кора премачкајте ја со неколку лажици од филот и завиткајте ги како ролни. Потоа од нив направете полжавчиња. Наредете ги во тавата.
Премачкајте ја питата со растопениот путер.
Ставете да се пече во загреана рерна на 200 цезлиусови степени околу 20 минути.
Послужете ја топла со кисела павлака, кисело млеко или јогурт.