Состојки
- 1 кг брашно брашнo
- 250 мл млеко
- 250 мл јогурт
- 250 мл минерална газирана вода
- 1 кафена лажичка шеќер
- 1 кафена лажичка шеќер
- 1 квасец
- 1 маргарин за премачкување
- Сусам
- 2 белки од јајце за тестото
- 2 жолчки од јајце за премачкување
Подготовка:
Надојдениот квасец се додава на другите состојки и убаво се меси меко тесто кое потоа се дели на 2 дела (за помали кифлички може да го поделите на 3 дела). Секој дел се дели на 10 топчиња. Секое топче се сучи во кора, се мачка со маргарин и така намачканите кори се редат една врз друга. Добиваме 10 кори наредени една врз друга, а најгорната кора не ја мачкаме. Додека ги подготвувате топчињата од другите 2 дела, оние 10 кои веќе се намачкани и наредени може да ги ставите 15 тина минути во фрижидер. На овој начин добивате 2 или 3 дела наредени кори, во зависност од тоа на колку дела го поделивте тестото на почеток. Од секој од овие делови се сучи голема кора, се сече на 4 дела, секоја од четвртините уште на 5 дела, ставаме фил и ги виткаме кифличките.
Кифличките се премачкуваат со жолчка, а врз секоја кифличка се става мало парче маргарин, се посипуваат со сусам и се оставаат малку да надојдат.
Се печат во загреана рерна на 220° Ц околу 15 минути или додека заруменат.
Добар апетит!
