Неверојатно сочна и вкусна …
Потребно е:
- 1 смрзнато лиснато тесто
- околу 600 гр шампињони
- 150 гр сланина
- 250 гр кашкавал
- 250 мл слатка павлака
- 1 лажиче мелен сув зачин
- сол, бибер
Подготовка:
– На малку масло испржете ја сланината која претходно сте ја исецкале на коцкички. Додадете ги сецканите шампињони, зачините и динстајте околу 15 минути.
– Во меѓувреме лиснатото тесто ставете го во намастена тава, избоцкајте го со вилушка на повеќе места и ставете го да се пече во загреана рерна на 200 целзиусови степени околу 10 минути.
– Извадете ја тавата од рерна и на полупеченото тесто распоредете го филот од печурки, посипете со изрендан кашкавал и полијте со слатка павлака.
– Вратете ја тавата во рерна и оставете ја питата да се допече уште околу 20 минути, односно додека не порумени.
