ПОТПЕЧЕНИ МАКАРОНИ СО ПЕЧУРКИ, КАШКАВАЛ И ПАВЛАКА

by | Дек 25, 2017 | Пити и тесто

За да ја направите оваа вкусна тава со макарони, печурки и павлака потребни ви се:

1 кисела павлака
300 гр маринирани печурки
1 јајце
200 гр кашкавал
1 помала главица кромид
300 гр кравјо сирење
500 гр макарони
Чекор 1: Макароните се варат во посолена вода со малку масло. Додека се варат, може да се спрема филот. Се загрева масло и се запржува прво ситно сечканиот кромид. Потоа се додаваат печурките (претходно сечкани) со постојано мешање. Пред да почне да потемнува кромидот, се посолува, се додава пола лажичка црвен пипер и се трга на страна.

Чекор 2: Сирењето и кашкавалот се рендаат. Јајцето се разматува со пола павлака, се додава малку сос од домати, 5 супени лажици млеко и 5 супени лажици од водата во која се вареа макароните

Тавчето, по желба, може да е округло или правоаголно.

Чекор 3: Се премачкува тавчето со масло и одозгора се реди еден ред од сварените макарони (половина од макароните). Се нанесува одозгора половина од филот со печурките, се става одозгора половина од ренданото сирење и малку од ренданиот кашкавал. Одозгора се става малку сос од домати. Повторно се реди останатиот дел од макароните, па останатиот фил со печурки, ренданото сирење и кашкавал. Повторно се става одозгора уште малку сос од домати. Се налеваат неколку супени лажици од водата во која се вареа макароните и спремно е за печење.

Рерната се загрева на 200С, па пред да ги ставиме макароните да се печат, рерната се намалува на 170. Се печат околу 15-20 минути, се вадат од рерна, се полеваат со смесата од матено јајце и павлаката, се наросува одозгора малку босилек за вкус (по желба, вкусно е и со оригано) и се враќа во рерна да се потпече уште 10 до 15 минути.

Recepti.mk
Recepti.mk4 weeks ago
Рецепт за полнети печени патлиџани кои ќе ве одушеват со неверојатниот вкус
Recepti.mk
Recepti.mk4 weeks ago
ЈАБОЛКА ВО ЛИСНАТО ТЕСТО! Вкусно уживање кое се топи во устата
Recepti.mk
Recepti.mk4 weeks ago
Едноставен рецепт за шпанска пита кој на сите им успева од прва