За што сè е добар ѓумбирот?

Постојат многу зачини кои имаат позитивно влијание за вашето тело, но тешко е да се набројат сите позитивни својства кои ги има ѓумбирот.

За разлика од другите популарни додатоци во исхраната, ѓумбирот е вкусен.

Причина поради која ѓумбирот e добар за вашиот организам е хемиската состојка која се нарекува гингерол. Оваа состојка има противвоспалително дејство, што значи дека може да ги ублажи болките. Исто така, ѓумбирот содржи антиоксиданти кои ги неутрализираат штетните слободни радикали во телото.

Ги ублажува болките во желудникот
Гастроезофагеална рефлуксна болест е хроничен симптом на мукозно оштетување предизвикано од враќање на желудочна киселина од желудникот во хранопроводот. Лошото варење е многу чест проблем, па затоа мора да водите сметка за тоа што јадете.
Ѓумбирот помага во редуцирање на желудочната киселина, а неговите состојки се користат како лек против лошото варење.
Ѓумбирот ги ублажува менструалните болки
Ѓумбирот има антивоспалителни дејства и ги ублажува менстраулните болки и грчеви.
Го одржува нивото на шеќерот во крвта
Ова важи доколку чајот го пиете незасладен. Чајот од ѓумбир помаѓа нивото на шеќерот во крвта да се одржи стабилно, дури и кај луѓето со дијабетес тип 2. Ова не значи дека треба на своја рака да почнете да пиете чај од ѓумбир, а да ги занемарите сите препораки на докторот и тоа што ви го препишал за дијабетес.
Помага при слабеење
Не, нема магично да ви го стопи салото, но може малку да ви помогне. Речиси и да нема калории и го хидрира организмот. Без разлика дали го консумирате свеж, зготвен или сув, може да го додавате во секое јадење или чај.
Ја ублажува главоболката
Противвоспалителното дејство на ѓумбирот исто така е добро за главоболката. Пред да се обидете да ја ублажите болката со лек, обидете се со половина ѓумбир.
Ќе се изненадите колку добро ќе се чувствувате доколку го консумирате секојдневно.
Извор: kurir.mk

 

Овие работи мора да ги јадете: Производи кои имаат повеќе железо од месото

Вегетаријанците, трудниците и они кои постат, од особено значење им е храната богата со железо. Овој минерал е многу важен за организмот и во текот на денот треба да се внесе во доволни количини, за да можеме нормално да фунционираме.
Железото е важно за организмот, затоа што се врзува за хемоглобинот. При внес на храна сиромашна со железо, многу лесно може да настане анемија.
Железо-дефицитарна анемија е најчестата форма на анемија и настанува при намалување на бројот на црвени крвни клетки-еритроцити, предизвикано од ниската концентрација на железо во храната. Без доволно железо, вашето тело не може да синтетизира доволно хемоглобин, респираторен пигмент во црвените крвни клетки што го врзува и транспортира кислородот до сите ткивата и клетки на телото. Како резултат на тоа, може да се чувствуваат слаби, уморни и нервозни.
Околу 20% од жените, 50% од бремените жени и 3% од мажите немаат доволно железо во телото. Решението, во многу случаи, е да се консумираат повеќе храна богата со железо.
Препорачаната дневна доза на железо за возрасни е 8-27 mg на ден. Возрасните мажи треба да се придржуваат кон подолната бројка, додека пак жените кон погорната. Постарите жени, бремените и доилките, треба да внесуваат повеќе железо во текот на денот.
Додека месото е на врвот на листата за препорачан извор на железо, има доста растенија кои содржат повеќе железо од месото. Такви на пример се:

1. Спанаќ
Темно лиснатиот зеленчук, особено спанаќот е богат извор на железо. Три чаши спанаќ содржат околу 18 мг железо, а тоа е повеќе отколку во од 200гр црвен (говетски, телешки) стек. Тоа значи дека вашите дневни потреби можете да ги задоволите со само една салата со спанаќ. Најубава комбинација е авокадо со спанаќ, заради максимално искористување на витамините и минералите.

2. Брокула
150 гр брокула, содржи 1 мг железо. Брокулата не само што е богата со железо, туку содржи и други клучни хранливи материи, како што е витамин К и магнезиум. Богата е со витамин Ц, кој помага да се поттикне апсорпцијата на железо во организмот.

3. Леќа
Само една чаша леќа (200гр) има 6,6 гр железо или тоа е повеќе отколку во 200гр црвено месо. Леќата е солиден извор на растителнии влакна, калиум и протеини. Можете да ја додадете во салата или пак подготвена како чорбичка.

4. Кељ
Три чаши кељ содрат 3,6 mg железо. Најдобро е да се јаде свеж, во салата, одозгора со цеден лимон, заради комбинацијата со витамин Ц и железо.

5. Блитва
Само една чаша на блитва има 4 мг на железо или тоа е повеќе од 200 гр стек. Блитвата исто така, содржи вредни хранливи материи, вклучувајќи омега-3 масни киселини, витамини A, C, и К, и Б и фолати.

6. Печен компир
Еден голем печен компир содржи речиси три пати повеќе железо од износот на 200гр пилешко. Во комбинација со грчки јогурт (високо протеинска замена за павлака), варена брокула или малку топено сирење, ќе добиете вкусен оброк.

7. Семки сусам
Само една лажица сусам содржи 1,3 мг железо. Тоа е супер едноставен начин како да вклучите железо во вашата исхрана. Посипете сусам врз салата, за поубав вкус или при криза за слатко, изедете 1 лажица сусам да ве засити.

8. Индиски ореви
Јаткастите плодови се познат добар извор на протеини за вегетаријанците, но индиските ореви имаат дополнителна корист, бидејќи се многу богати со железо. Една чаша индиски ореви содржи околу 2 грама на железо. Одлични се во комбинација со салата или смуди.

9. Наут/ леблебија
Една чаша наут содржи 4,7 mg железо или тоа е повеќе од половина од дневните потреби за возрасен маж. Печената леблебија е вкусна крцкава закуска и одлично се комбинира со суво грозје, но и сварениот наут подготвен како хумус или во комбинација со домати, сирење и краставица, ќе добиете одличен солени гарнир.

10. Темно чоколадо
Придобивките од темното чоколадо се чинат бесконечни. Консумирањето на темно чоколадо придонесува до поздрава кожа и заби и намалување на анксиозност. Темното чоколадо ви нуди сладок начин на внес на железо. 30гр на темно чоколадо содржи 2 до 3 mg железо, а тоа е повеќе железо отколку во истиот износ на говедско месо.

11. Грав
Гравот содржи 3-4мг на железо по чаша. Највкусно подготвено гравче е во чорба или на тавче, но и како додаток во салата е одлична комбинација за вкусен оброк. Многу брз начин на поготовка на салата е кога корисите конзервиран грав, веќе подготвен, во комбинација со марула, лимонов сок и домати.

Извир: kurir.mk

Заштитете се од грипот: Овие шест производи ќе ви помогнат во битката

Многу луѓе не посветуваат внимание кога се зборува за здравје и имунитет, мислејќи дека ќе чујат исклучително сложени совети.

Но постојат шест едноставни производи, кои можат да обезбедат долг живот во одлично здравје.

Спречувањето на различни видови на болести, всушност, не е толку комплицирано колку што луѓето мислат. Постојат многу природни производи кои обезбедуваат “супер имунитет”, истакнува д-р Џоел Фурман, автор на студијата.
Сите зелени зеленчуци треба да се јадат по можност секој ден, барем по два пати.
Грашокот содржи многу влакна кои го стабилизираат нивото на шеќер во крвта. Безброј истражувања покажуваат дека грашокот може да го намали ризикот од рак на дебелото црево.
Лукот е од производите кои можат да се наречат “супер храна”. Во него има висока концентрација на флавоноиди, кој влијаат на имунитетот и спречуваат разни видови заболувања.
И во белиот и во црвениот кромид има соединенија кои дејствуваат против ракот, а кај луѓето кои веќе се дијагностицирани со рак, го спречуваат создавањето на нови канцерогени клетки.
Печурките содржат хранливи материи кои му помагаат на организмот да се бори против воспаленија, го спречуваат оштетувањето на ДНК. При тоа, докажано е дека состојките кои можат да се најдат во печурките, доведуваат до намалување на ризикот од рак на дојка и рак на матката.
Семето од тиква и сончоглед се исклучително здрави производи. Тие се богати со протеини и минерали. Многу од нив содржат омега 3 масни киселини, калциум, железо и цинк.
Ленот се препорачува за жените, бидејќи штити од многу женски болести.

Извор: kurir.mk

Идеја за здрав појадок: Мусли со јогурт од индиски ореви

Индиските ореви имаат висока нутритивна вредност. Богати се со витамините Б1, Б2, Б6 и Е, а имаат и висок процент на калиум, натриум, флуор, јод, калциум, железо и фосфор. Освен што може да ги јадете заради вкусот, лекарите препорачуваат да ги јадете и поради бројните придобививки за вашето здравје.
Индиските ореви имаат многу помалку маснотии од сите други јаткасти плодови. Тие се одличен извор на антиоксиданти и одличен додаток кога држите диета.
Индиските ореви растат на дрво во Индија, Африка и Бразил.
Како да направите брз јогурт од индиски ореви

Изблендирајте:

  • 200 мл. вода
  • 200 гр. индиски ореви
  • 4 големи лажици сок од лимон

 

Мусли по избор
Доколку имате време, најпрвин ставете ги индиските ореви и потопете ги во вода, па оставете ги да отстојат најмалку 20 минути, а може и неколку часа или преку ноќ.
Исцедете ги, па додајте ги во блендерот со вода и сок од лимон. Доколку сакаtе поредок јогурт, додајте малку вода додека блендирате, а доколку сакате овошје, додајте две урми.
Потоа, може да сi играте со вкусовите, ставете малку цимет или сок од една мандарина. Сервирајте со шумско овошје, мусли или банана.

Семки од сончоглед или од тиква – кои се поздрави?

Тиквата е позната како украс кој доаѓа токму во овој период од годината, но сѐ повеќе се оние кои ја вклучуваат во своето мени. И не е чудно со оглед на тоа што е тиквата исклучително вкусна и хранлива намирница која може да се подготви во стотици варијанти.
Поволно делува на регулација на варењето, на пречки на уринарните канали, како и на тенот. Научно е докажано дека семките од тиква и маслото од тиква делуваат позитивно на пречките со простатата.

Семките можат да се користат во супи, варива, како додаток на салати, а често се ставаат и врз пекарски производи.

Семките од сончоглед се извор на витамин Е, а помагаат за намалување на холестеролот во крвта и го одржуваат кардиоваскуларното здравје. Исто така, можат да ја олеснат несоницата и да го зајакнат помнењето, а се добри и за косата.

И покрај препораките да се консумираат како меѓуоброк, енергетската вредност на двата видови семки е многу висока. Со други зборови, ако се претера со консумацијата, тоа може да доведе до прекумерно дебелеење.
Кога станува збор за изборот на едните или на другите семки, подобро одлучете се за семките од тиква затоа што во однос на сончогледовите семки, сепак се побогати со омега-3 масни киселини. Иако двата видови семки содржат и фитостероли и витамин Е, многу важен антиоксиданс, содржината на фитостероли во семките од тиква е сепак поповолна.
Овие намирници се здрави и корисни како составен дел од избалансираната исхрана, но со прекумерна консумација може да се дојде до енергетски суфицит и – да се здебелите.
kurir

Секој ден треба да јадете по два портокали: Кога ќе дознаете зошто, веднаш ќе го послушате советот

Прочитајте за здравствените придобивки од конзумирање на две портокали во текот на денот.
Портокалите се најпопуларните медитерански плодови, кои се богати со витамините Ц, Б и А, содржат калиум и калциум. Точно висока содржина на витамин Ц делува како антиоксиданс, а ова овошје има големи придобивки за организмот.
Го зајакнуваат имунитетот

Портокалот е полн со витамин Ц, кој помага во зајакнување на имунитетот, што е особено важно во текот на зимата кога сме поподложни на настинки и вируси.
Покрај тоа, високото ниво на калциум кај ова овошје го одржува и штити здравјето на коските и забите.
Го зачувуваат здравјето на срцето

Неодамнешните студии покажаа дека магнезиумот во портокалите доведува до намалување на крвниот притисок.
Сепак, не е препорачливо да се исцеди сок од портокал, туку да се консумираат цели плодови.
Го намалуваат холестеролот и крвниот притисок

Високата концентрација на хесперидин, соединение кое во изобилство го има во агрумите, го намалува лошиот холестерол.
Самите портокали не содржат никаде близу толку хесперидин, па затоа би било добра идеја да се користи кора секогаш кога е можно.
Одржување на здрава кожа

Антиоксидантните својства на портокалите ја штитат кожата од слободни радикали. За добар тен, препорачливо е да пиете чаша сок од портокал дневно.
Тие се исто така богати со бета-каротин, кој помага да се заштитат клетките од оштетување и да се спречат знаци на стареење.
Го штитат желудникот

Го штитат желудникот и го подобруваат варењето на храната, што спречува запек и надуеност.
Тие имаат богат извор на нерастворливи и растворливи влакна, кои помагаат да се зачуваат желудникот и цревата безбедни, спречувајќи проблеми како синдром на нервозно црево.
Ја подобруваат функцијата на мозокот

Фолната киселина и фолатот што го има во портокалите го одржуваат развојот на мозокот и ги одржуваат виталните органи во добра форма.
Посебно се препрачува консумирање на портокали на бремени жени бидејќи имаат позитивен ефект врз развојот на фетусот.

Кокосовото масло е вистинска магија за вашето тело

За слабеење

Маслото од кокос може да ја зголеми енергијата, но и да ги намали калориите, кои се приврзани со другите масти во телото.
За намалување на чувството на глад
Ќе ви го намали апетитот и ќе имате чувство на ситост. Консумирајте кокосово масло 20 минути пред да јадете, за побрзо да се чувствувате најадени.
Го подобрува варењето на храната
Ова масло содржи заситени масти кои се апсорбираат побрзо и полесно во дигестивниот тракт. Ако додадете мало количество на кокосово масло во исхраната со тоа веднаш ќе ви се подобри варењето на храната.
Нега на забите
Верувале или не, кокосовото масло се бори против бактериите одговорни за расипување на забите. Употребувајте го како паста, бидејќи нема некои штетни хемикалии.
Како превенција од срцеви болести и висок крвен притисок
Жителите на Индија и Филипини консумираат масло од кокос на секојдневно ниво и се покажале дека имаат многу помали стапки на срцеви болести. Една неодамнешна студија докажала дека кокосовото масло содржи антиоксиданси кои се позитивно поврзани со намалување на оксидативниот стрес, а со ова и доаѓа на намалување на крвниот притисок.
Ја подобрува енергијата
Како што кажавме погоре, триглицеридите се одличен извор на енергија. Започнете го денот со додавање на маслото во појадокот.
Ја штити косата
Со постојаното масирање на косата со кокосово масло ќе се ослободите од првутот, а исто така ќе имате и појака коса со поголем природен сјај.
Лекува Ацхјамер
Едно истражување покажало дека мозокот создава свој инсулин за да произведува гликоза и моќни мозочни клетки. Бидејќи мозокот на пациент кој пати од Алцхајмер ја губи оваа способност, кетоните од кокосовото масло создаваат алтернативен извор на енергија со цел мозокот да функционира понормално.
Го намалува артритисот
Ако патите од артритис, маслото може да биде решението кое сте го барале. Ова е еден од најдобрите природни лекови за воспаление на мускулите и зглобовите.
За нега на кожа
Бенефициите на кокосовото масло на кожата се бесконечни. Употребувајте го како пилинг, како лек за изгореници, дерматитис и егзема. Користете го како крем за мека и хидратациска кожа, а исто така може да го користите и за отстранувач на шминки.
Намалување на стресот
Кокосовото масло е познато и за намалување на стресот. Ако нежно си го измасирате скалпот со масло од кокос веднаш ќе се почувствувате опуштено и напнатоста за миг ќе ја снема.
По овие бенефиции веднаш отидете до некоја продавница за здрава храна или некоја билна аптека и побарајте кокосово масло, кое ќе направи да се чувствувате многу поздраво.

Лимонадата од куркума ја третира депресијата подобро од антидепресиви!

За лимонадата од куркума е утврдено дека содржи некои од најдобрите лековити вредности. Познато е дека куркумата има моќни антиинфламаторни својства.

Овој корен ги убива канцерогените ќелии, лечи депресија, го намалува холестеролот. Списокот е долг, но вреди да се споменат и другите придобивки како што е способноста за лекување на рак на кожата, Алцхајмерова болест и други состојби како што се артритис, жиговина, жолтица, дијареја, жолчното кесе и болка во желудникот.
Куркума за лечење депресија

Постојат многу начини и лекови кои можете да ги користите за лекување на депресија. Тажната работа од употреба на кој било вид на лек за депресија се ужасните несакани ефекти кои доаѓаат при

нивно користење, како што се отежнато дишење, самоубиствени мисли или најлошото – крварење во желудникот.
Големото откритие докажа дека куркумата може да излечи лице со тешка депресија, без потреба да се соочува со какви било несакани ефекти. Куркумата ја третира депресијата со специјална состојка наречена куркумин, за која се покажа дека е поефикасно од флуоксетинот, содржан во Прозак.

Како да направите лимонада од куркума
Постојат различни начини на кои можете да направите лимонада од куркума, а ние го одбравме најефикасниот и наједноставниот начин.

Рецепт за 4 лица

  • 4 чаши ладна вода
  • 2 лажици свежо рендани или куркума во прав
  • 4 лажици 100% јаворов сируп, мед или стевија ако избегнувате шеќер
  • 1 лимон или лимента
  • сок од еден портокал (по избор)

Измешајте ги сите состојки во сад, промешајте и сервирајте со парчиња лимон.
Придобивки од куркумата

  • Содржи природни антиинфламаторни, антиоксиданти и антивирусни својства
  • Силен поттикнувач на имунитетот кој ќе ја подобри апсорпцијата на основните хранливи материи
  • Се користи во многу рецепти за детоксикација бидејќи апсорбира хранливи материи и ги намалува калориите
  • Може да се конзумира на дневна беза и оди добро со секаков вид храна

Исто така, добра страна на овој рецепт е фактот дека не треба да трошите многу пари на лекови, а можете да го подготвите дома.
Состојките за овој совршен пијалак можете да ги купите насекаде, но внимавајте да не го изложувате на високи температури бидејќи нивото на хранливи материи може да се намали или ослабне.

Здраво, вкусно и лесно: Салата со пилешко и портокал

Ако обожавате салата, ви ја препорачуваме оваа салата со пилешко, портокал и марула.

Состојки:

  • Пилешко филе
  • Марула
  • Два портокали
  • Сенф
  • Маслиново масло
  • Сол, бибер

Начин на подготовка:
Пилешкото филе испржете го од сите страни за да добие златеста боја. Исчистете ја зелената салата, излупете го портокалот и исечете го на кришки. Промешајте лажица сенф со маслиново масло, зачинете со сол и бибер. Промешајте ја зелената салата со дресингoт, додајте пилешко исецкано на ленти и парчиња портокал.

Зеленчук кој треба да се јаде варен

Честопати читаме и слушаме за тоа дека зеленчукот најдобро се консумира свеж, бидејќи е богат со витамини и минерали.
Но, постои и зеленчук чии антиоксиданти подобро се апсорбираат ако претходно се свари.
Да се извлече максимумот од хранливите материи од морковите, белите компири, цвеклото, карфиолот и аспарагусот, најдобро е термички да ги обработите. На тој начин, подобро се апсорбира бета-каротенот од морковите, компирите, тиквичките и тиквата.
Секако, подобро е да јадете и таков зеленчук отколку воопшто да не го консумирате. Но, гответе го внимателно (доволно да омекне), но не премногу долго (за да не биде каша).

Најдобрите есенски намирници за слабеење

Есента е вистинско време да го зајакнете имунитетот, но и да ги намалите килограмите. Ви претставуваме листа од есенски намирници што се одлични за вашето здравје, а притоа ќе ви помогнат и да се ослободите од вишокот килограми:
Јаболко: Се вели дека едно јаболко на ден ги задржува мастите далеку од вашето тело. Јаболкото е совршена ужинка во секое време од денот. Тоа содржи пектин, растителен желатин кој е полн со влакна.
Киви: Кивито има само 46 калории, но содржи одлична комбинација на растителни влакна и вода која ќе ви обезбеди чувство на ситост. Ова овошје е важен извор на калиум кој го регулира крвниот притисок, и е богато со фолна киселина и синтеза на протеини, како и антиоксиданси.
Шипки: Исто како и брусницата, калинките и малините, и шипките имаат малку калории и се полни со  витамин Ц. Кулинарските експерти препорачуваат да ги јадете шипките во комбинација со сезонска салата.
Мандарини: Мандарините се одлични разложувачи на масти, а имаат многу малку калории. Тие се здрава ужинка, а може да ги јадете во комбинација на бадеми, мед и урми. Лесно се лупат, а содржат огромно количество на витамин Ц.
Урми: Урмите се здрава и нискокалорична храна и идеална замена за слатки. Тие содржат малку масти и протеини и големо количество на железо и диетални влакна кои се добар извор на антиоксиданси.
Дуњи: Дуњите содржат витамин Ц, диетални влакна, како и пектин и се одличен извор на антиоксиданси. Јадете испечени или свежи дуњи во комбинација со мед и ореви.
Тиква: Тиквата содржи голема количина на влакна, калиум и витамин А. Јадете печена тиква или пак направете супа, пита или пире од ова вкусно есенско овошје. Семките од тиква се одлична ужинка, бидејќи содржат малку масти.
Карфиол: Карфиол може да го комзумирате во големи количини, бидејќи содржи само 40 калории. Карфиолот е џранлив и содржи големи количини на влакна и е добар извор на калиум.
Брокулата: Брокулата е идеална храна бидејќи не содржи масти, а содржи многу калциум и витамини А и Ц. Предноста на овој зеленчук е фактот дека може да го комбинирате во секаков вид на храна и да го јадете свеж или обарен.
Цимет: Иако цимет можеме да јадеме преку цела година, но некако одговара на овој период од годината. Циметот е полн со магнезиум, но и со влакна калциум и железо. Го потиснува гладот, го намалува шеќерот во крвта и го контролира нивото на инсулин во метаболизмот.
Ванила: Ванилата е одлична замена за шеќер. Овој зачин е нискокалоричен засладувач и може да го искомбинирате со секаков вид на овошје и слатки.
Корен од ѓумбир:Ѓумбирот содржи калиум, бакар, магнезиум и манган, но и витамин Ц и Б6, како и помали количини на пантотенска киселина и ниацин. Исто така една од состојките во ѓумбирот е жолтиот пигмент curcumin кој останува во дигестивниот тракт и штити од полипи и рак на дебелото црево.
Костен: Костени содржат многу влакна и малку масти во споредба со другите јаткасти плодови. Тие имаат високо ниво на скроб и помагаат во намалување на холестеролот, се бори против ракот и помагаат во контрола на крвниот притисок.

Не сте знаеле дека се толку многу здрави: Зошто мора да јадете тиквици?

Тиквиците се богати со витамини А и Ц како и антиоксиданти кои го штитат организмот од слободни радикали и стареење.Спаѓаат во нискокалорична храна, содржат каротеноиди кои ги штитат очите, кожата, срцето…Често се застапени во исхраната, но многумина не знаат дека тиквичките имаат чудесна моќ. Витаминот К и магнезиумот во тиквиците влијаат на јачината на коските.Одлична замена се за тестенините, а се препорачуваат и за луѓе со висок шеќер во крвта. Истражувањата покажаа дека оние кои редовно консумираат намирници богати со растителни влакна, како тиквици, имаат помал ризик од срцеви заболувања.Помагаат и при намалување на лошиот холестерол но и крвен притисок, бидејќи содржат многу калиум.Ако често јадете тиквици можете брзо да се ослободите од вишокот килограми. Покрај тоа што се богати со вода и влакна, создаваат чувство на ситост, односно го регулираат апетитот.

10 видови на алкална храна кои ја спречуваат дебелината, штитат од инфаркт и го намалуваат ризикот за рак

Зошто луѓето страдаат од прекумерена тежина?

Дел од производите на кои сме навикнале во секојдневието и ги сметаме за корисни, создаваат кисела средина во организамот.

Како резултат на тоа метаболизамот се забавува, телесната тежина се зголемува и често се соочуваме со појава на разни заболувања.

Но, добрата вест е дека постои листа на производи, кои помагаат во организамот да се создаде потребната кисело-алкална рамнотежа.

Тие се нарекуваат алкални видови на храна.

Богати се со минерали, витамини и бројни други корисни соединенија.

Доколку ги вклучите овие видови на храна во вашето дневно мени или вашата диета, вие не само што ќе ослабнете, туку по само неколку недели, ќе се чувствувате како нови.

Спанаќ

Зошто е корисен спанаќот? Тој содржи многу антиоксиданти, сосема малку холестерол и масти, доволно количество на витамините А, Б6, Ц и К, калиум, цинк, магнезиум и калциум.

Спанаќот помага во подобрување на меморијата, го намалува ризикот од кардиоваскуларни заболувања и го стимулира мозокот.

Диња

Нејзиниот плод не само што е многу вкусен, туку и корисен.

Дињата е една од најдобрите примери за алкална храна, која содржи многу вода.

Истражувањата докажуваат дека ова овошје многу побрзо ги отстранува токсините од организамот, за разлика од друга храна.

Карфиол

За да вашето тело секогаш има доволно количество на витамин Ц, едноставно консумирајте карфиол.

Истиот го зајакнува здравјето на срцето, бидејќи има високо количество на витамин К, калиум, манган и рибофлавин.

Лимон

Содржи големо количество витамини Ц, Б6 и Е, рибофлавин, цинк, калциум и калиум.

Сокот од лимон го намалува ризикот од инфаркт, а дури ги уништува и бубрежните камење.

Исто така, доколку имате висок крвен притисок или честа опстипација, не заборавајте да консумирате лимон.

Банани

Велат дека луѓето со болно срце треба да консумираат банани секој ден.

Но, малкумина знаат дека ова овошје помага и во балансирањето на шеќерот во крвта и му го дава потребното количество на магнезиум и калциум, на организамот.

Грозје

Поради високата концентрација на антиоксиданти, грозјето го намалува ризикот од појава на рак на дебелото црево, белиот дроб, панкреасот и простатата.

Маслиново масло

Маслиновото масло не е тренд, туку превентивен здрав избор.

Тоа е богато со витамин Е, антиоксиданти и мононезаситени масни киселини, при што значително го намалува ризикот од појава на кардиоваскуларни заболувања.

Авокадо

Се подразбира, кај нас луѓето не консумираат авокадо секој ден.

Но, доколку може да си го дозволите да го купувате од време на време, потребно е да знаете дека авокадото има богата хранлива вредност,

содржи мононезаситени масни киселини, при што ја подобрува срцевата функција и ефикасно го намалува нивото на холестерол.

Моркови

Уште од детството родителите ни велеле дека морковите се корисни за нашиот вид.

Овој портокалов зеленчук има бројни придобивки. Содржи желесо, хранливи влакна, калиум, витамини А, Б8, Ц и К.

Морковите покрај видот, ја подобруваат и функцијата за паметење.

Брокула

Иако е на последно место, тоа не значи дека е најмалку важна.

Овој зеленчук ја зајакнува функцијата на срцето и го подобрува здравјето на коските.

Воедно ефикасно го намалува холестеролот и помага во борбата против ракот.

Покрај железо, брокулата е богата со хранлив влакна, калиум и витамините Б6, Ц, Е и К.

 

Која е вистинската намирница што ќе ве разбуди?

Декстрозата дава брзо задоволство за оние кои ги погодува замор,

такашто моментално им обезбедува шеќер кој ја зголемува количината на енергија и помага за концентрацијата,

но стручњаците предупредуваат дека е тој ефект лажен, па затоа како замена препорачуваат да се изеде една банана.

Предупредуваат дека дејството на декстрозата е само моментална па со тоа и нездрава.

Секој вишок на шеќер ќе се претвори во маст, баш како и шеќарите во пекарските производи или во слатките.

Даниела Крехл од германската потрошувачка организација Verbraucherzentrale Bayern затоа советува алтернатива, односно поздрав начин за еднаква енергетска „помош“, а тоа се бананите.

„Бананите се полни со овошни шеќери кои брзо даваат енергија“, истакнува германската експертка. „Тие содржат и покомплексни јагленохидрати кои подолго не снабдуваат со енергија“. Бананите се богати и со витамини и со минерали, додава Крехл.

Нападите на замор е најдобро да се избегнуваат со здрав појадок, а добра опција за тоа се разни видови леб од целовити зрна, како и овесна каша.

Ова овошје мора да го јадете: Можат да спречат цироза, одлични се за панкреасот и помагаат при слабеење

Ако некое овошје е познато, а толку занемарено, тогаш е тоа крушата.

Но таа е најдобра намирница за панкреасот, кој исто така сме склони да го занемариме.

Преоптоварениот панкреас најдобро се смирува со круша.

Крушите се и рајско овошје за црниот дроб затоа што го поттикнуваат процесот на чистење и можат да спречат цироза.

Пулпата на крушата е богата со фитоматерии, минерали во трагови и аминокиселини кои се врзуваат за отровите во телото и ги исфрлаат од организмот.

Крушите го стабилизираат нивото на шеќер во крвта и се голема помош при слабеењето. Една круша со средна големина има околу 90 калории.

Содржи витамин Ц и флавоноиди и е добар извор на бакар кој не штити од штетното делување на слободните радикали.

Кората од крушата е богата со влакна кои го снижуваат лошиот, ЛДЛ холестеролот и го елиминираат слузот од телото.

Крушата е идеална за опоравување после операции или после труење како и кај оние кои се на посебни диети.

Најдобро е да се јадат помеѓу појадок и ручек или доцна попладне затоа што го намалуваат поривот за благо или за прејадување.

Крушата е овошје со најмалку алергени.

Ориганото ќe ви ги исчисти бeлите дробови од бактeрии, прашина и слуз

Прво, треба да знаете дека постојат многу нешта кои може да предизвикаат проблеми со дишните органи,

како што се: алергии, астма, штетни микроорганизми, па дури и вдишување на различни загадувачи.

Најчестите симптоми и знаци кои предупредуваат на респираторни проблеми се: застој во градите,

отежнато дишење и иритирани назални патишта итн. Ако сте ги искусиле овие знаци на предупредување, познато ви е колку тие можат да бидат вознемирувачки.

Затоа, треба да знаете дека овој моќен и неверојатен зачин – ориганото, е моќна алатка која може многу да помогне за здравјето на белите дробови.

Ефикасно, сигурно и безбедно, органското оригано е природно богато со карвакрол, флавоноиди и терпени; од кои сите се природни деконгестиви и антихистаминици.

Постапка за приготвување на чај од оригано:
Чајот можете да го приготвите од свежи или суви листови од оригано (од Билна аптека или продавница за здрава храна, или уште подобро, ако си го одгледувате дома).

1 ½ лажичка оригано
1-2 лажици мед
1 шолја вода