Ресторанот Crust на сопственикот Климе Ковачески, кој живее и работи во САД, а по потекло е охриѓанец, се наоѓа меѓу најдобрите 100 во Соединетите американски држави, според листата направена од специјализираниот веб сајт Open Table.
Crust, кој всушност е ресторан за пица и паста, се наоѓа на источната страна од реката Мајами во истоимениот град.
Веб сајтот Оpen Table ги базира своите награди на рецензии кои ги прават нивните корисници. Податоците на сајтот вклучуваат 12 милиони рецензии и 26.000 ресторани. Сите ресторани се рангирани според нивните рејтинзи, односно врз искуството добиено од клиентите. Crust е еден од трите ресторани кој е одликуван од страна на Open Table. Останатите се Buccan во Палм Бич и The Grill vo Риц-Карлтон, Нејпл.
Климе Ковачески кој ресторанот го работи заедно со сопруграта Анита, во 2015 година бил селектиран и во најдобрите 50 приготвувачи на храна во Мајами. Формулата на Климе и неговата сопруга Анита, со која заедно го водат ресторанот, е непрекината работа и страст, како и посветување внимание на секој можен детал.
Тие вложуваат максимален напор во секој аспект од бизнисот, вклучувајќи ја и употребата на ресурси, следење на рецензиите за ресторанот и комуникацијата со клиентите и слично. Како што велат тие, многу често се случува да работат по 12 часа на ден, и тоа шест или седум дена во неделата.
превземено од : © Ohrid24.mk